նախընտրելի դարձնել
Հանրապետականների կողմից վերահսկվող Ներկայացուցիչների պալատը չորեքշաբթի օրն ընդունել է դաշնային կառավարությանը ֆինանսավորելու մասին օրինագիծը՝ մասնակի շաթդաունի հերթական սպառնալիքի ֆոնին, հայտնում է Ամերիկայի ձայնը։
Օրինագծին կողմ է քվեարկել 339 կոնգրեսական, դեմ՝ 85-ը, որից 83-ը հանրապետականներ են։ Օրինագիծն այժմ ուղարկվել է Սենատ, որտեղ այն պետք է ընդունվի ոչ ուշ, քան ուրբաթ, քանի որ մի քանի դաշնային գերատեսչությունների ժամանակավոր ֆինանսավորման ժամկետը լրանում է ուրբաթ գիշերը։
1050 էջանոց փաստաթուղթը ֆինանսավորում է խոշոր դաշնային գերատեսչություններին, այդ թվում՝ գյուղատնտեսության, արդարադատության, տրանսպորտի և բնակարանային նախարարություններին: Բացի այդ, օրինագիծը թույլ է տալիս իրականացնել ռազմակայանների շինարարական նախագծեր և վետերաններին աջակցելու ծրագրեր:
Երկրորդ փաթեթում ընդգրկված պետական խոշոր գերատեսչությունները ներառում են պաշտպանության նախարարությունը, ներքին անվտանգության վարչությունը, պետքարտուղարությունը և առողջապահության և մարդկային ծառայությունների վարչությունը:
Երկու օրինագծերի փաթեթները միասին 2024 ֆինանսական տարվա համար ապահովում են 1,66 տրիլիոն դոլար ծախսեր՝ նախորդ տարվա 1,7 տրիլիոն դոլարի դիմաց:
Գործակալությունների թվում, որոնց կկանգնեն ծախսերի կրճատման առջեւ, ՀԴԲ-ն է, Շրջակա միջավայրի պաշտպանության գործակալությունը և Ալկոհոլի, ծխախոտի, հրազենի և պայթուցիկ նյութերի բյուրոն:
