Վենեսուելայի նախագահ Նիկոլաս Մադուրոն հայտարարել է, որ Կարակասում երթի ժամանակ իր դեմ մահափորձ է կանխվել։ Այս մասին հայտնում է «ՌԻԱ նովոստին»:

Դիեգո Իբարրա հրապարակում ցույցի ժամանակ Մադուրոն ասել է, որ երթի ժամանակ ձերբակալել են զենքով երկու տղամարդու, որոնք պատրաստվում էին հարձակվել իր վրա։

«Նրանք արդեն հայտարարել են, որ ծայրահեղ աջ ֆաշիստական ​​«Վենտե Վենեսուելա» կուսակցության անդամներ են և բերման են ենթարկվել այն բանից հետո, երբ գաղտագողի հայտնվել են այստեղ՝ երթի մեջ: Նրանք մերկացվել են, խոստովանել են»,- ասել է նա։

Մարտի 14-ին երկու վենեսուելացի ձերբակալվել էին Մադուրոյի դեմ մահափորձ նախապատրաստելու կասկածանքով։ Միաժամանակ հունվարին երկրում ձերբակալվել է ընդդիմության 32 անդամ՝ ԱՄՆ-ի օգնությամբ Մադուրոյի դեմ դավադրություն կազմակերպելու մեղադրանքով։