նախընտրելի դարձնելՈստիկանության Նոր Նորքի բաժնի ծառայողները, նոյեմբերի 15-ին, ժամը 00.15-ին, գողություն կատարելու կասկածանքով, Գայի պողոտայից բերման են ենթարկել երեւանաբնակ, 50-ամյա մի տղամարդու:
Ոստիկանության մամուլի ծառայությունից NEWS.am-ին հայտնում են, որ պարզվել է, որ նա հոկտեմբերի սկզբին, Սաֆարյան փողոցի կրպակներից մեկից գողացել է կրպակատիրոջ դրամապանակը, որի մեջ եղել է 6 ԱՄՆ դոլար եւ 4.000 դրամ:
Պարզվել է նաեւ, որ նա նոյեմբերի 14-ին, մի գրախանութից գողացել է գիրք, իսկ Գայի պողոտայում կայանված, ՌԴ մեկնող ավտոբուսի սրահից գողացել է ուղեւորուհիներից մեկի պայուսակը, որի մեջ եղել են փաստաթղթեր եւ դրամապանակ:
Կատարվում է նախաքննություն:
