նախընտրելի դարձնել
Պսոու անցակետում տեղի ունեցած փոխհրաձգության փաստով քրեական գործ է հարուցվել սպանության և ապօրինի զենք պահելու և փոխադրելու հոդվածներով, հայտնում է РИА Новости-ն՝ Աբխազիայի Գագրայի շրջանի դատախազությանը հղումով։
«Քրեական գործ է հարուցվել 117-րդ հոդվածի «Ապօրինի զենք պահելը և փոխադրելը» և 99-րդ հոդվածի 2-րդ մասով՝ «Սպանություն»։ Նախաքննությունը վարում է Գագրայի շրջանի դատախազությունը»,- հայտնել են դատախազությունից։
Հունիսի 23-ի ցերեկը ռուս-աբխազական սահմանին փոխհրաձգություն է տեղի ունեցել։ Ներքին գործերի նախարարության տվյալներով՝ Աբխազիայի երեք քաղաքացի վիրավորվել է, եւս մեկը մահացել է։
