Իրինա Բոլգարը, ով ապրում է Շվեյցարիայում և իրեն Պավել Դուրովի երեք երեխաների մայր է անվանում, նրա դեմ հայց է ներկայացրել Շվեյցարիայում, գրում է Forbes-ը։ Նա պնդում է, որ Դուրովը ֆիզիկական բռնություն է գործադրել իրենց երեխաներից մեկի նկատմամբ։ Դատավարությունը սկսվել է մի քանի ամիս այն բանից հետո, երբ Դուրովը դադարեցրել է իր ալիմենտը 150 հազար եվրոյի չափով:

Ժնևի դատարանը հրաժարվել է քննել հայցը, քանի որ այն ներկայացվել է ֆիզիկական բռնության վերջին դեպքից ավելի քան երեք ամիս անց: 2023 թվականի մայիսին Բոլգարը բողոք է ներկայացրել, իսկ հոկտեմբերին դատարանը թույլ է տվել գործը շարունակել:

Բոլգարը պնդում է, որ Դուրովը բռնություն է կիրառել 2017 թվականի սեպտեմբերին ծնված իր կրտսեր որդու նկատմամբ՝ 2021 թվականից մինչև 2022 թվականը հինգ անգամ։ Դա հանգեցրել է վնասվածքների, այդ թվում՝ ցնցումների, ինչպես նաև քնի հետ կապված խնդիրների։ Որպես ապացույց՝ հայցը ներկայացնում է հաղորդագրությունները, որոնք իբր փոխանակվել են Բոլգարի և Դուրովի միջև 2021 թվականի նոյեմբերին Փարիզում, և 2023 թվականի ապրիլին թվագրված բժշկական վկայականը, որը հաստատում է, որ երեխան ունեցել է անհանգստություն և քնի խանգարումներ։

Այս տարի Բոլգարը կապ է հաստատել Forbes-ի հետ՝ խնդրելով շտկել Դուրովի երեխաների թիվը միլիարդատերերի վարկանիշում երկուսից հինգի և ուղարկել երեխաների համար փաստաթղթերի պատճենները, ինչպես նաև ընտանեկան լուսանկար հունվարին իր միջնեկ որդու՝ Դանիելի ծննդյան օրվանից: