նախընտրելի դարձնել
Հրեա ընտրողների հասցեին ԱՄՆ նախկին նախագահ Դոնալդ Թրամփի վերջին հրահրիչ արտահայտությունները Կոնգրեսում հանրապետականներին կրկին ստիպում է փորձել զգույշ հավասարակշռություն պահպանել, գրում է Axios-ը։
Հինգշաբթի օրը Թրամփը հակասեմականության դեմ պայքարի իսրայելա-ամերիկյան խորհրդի միջոցառմանը ասել է. «Եթե ես չհաղթեմ այս ընտրություններում, իսկ հրեա ժողովուրդը դրան շատ ուղղակի առնչություն կունենա, քանի որ 60%-ը քվեարկում է թշնամու օգտին, Իսրայելը կդադարի գոյություն ունենալ երկու տարի հետո»:
Նա նաև ասել է, որ ցանկացած հրեա ընտրող, որն աջակցում է փոխնախագահ Հարիսին, «պետք է ստուգի իր գլուխը»:
Սա վերջինն է դեմոկրատներին աջակցող հրեա ընտրողների հասցեին Թրամփի քննադատությունների շարքից:
Մի քանի հանրապետականներ, որոնց խնդրել են մեկնաբանել Թրամփի այս հայտարարությունը, փորձել են մեղմորեն հակադրվել են Թրամփին:
«Իսրայելի համար այս դժվարին ժամանակաշրջանում մենք պետք է կենտրոնանանք մեր դեմոկրատ դաշնակցին աջակցելու և հակասեմականության բոլոր ձևերի դեմ պայքարի վրա՝ պաշտպանելու մեր հրեական համայնքը», - ասել է շրջանի խոսնակ Լորի Չավես-ԴեՌեմերը:
Մեկ այլ հանրապետական, անանուն մնալու պայմանով, ասել է, որ Թրամփը «այնքան հարթ չէ, որքան մենք կցանկանայինք», բայց ավելացրել է, որ «հրեա ընտրողները ռեկորդային թվով աջակցում են իրեն»:
Թրամփին մոտ կանգնած հանրապետականներից մեկը ավելի կոշտ քննադատությամբ է հանդես եկել, սակայն հրաժարվել է ձայնագրության մեջ խոսել:
«Ես չեմ պատրաստվում արդարացնել նրա մեկնաբանությունները», - ասել է օրենսդիրը՝ պնդելով, որ հրեա ընտրողները կազմում են ընտրողների համեմատաբար փոքր մասը և պատասխանատվություն չեն կրի Թրամփի պարտության համար։
