նախընտրելի դարձնել
ԱՄՆ նախագահի հանրապետական թեկնածու Դոնալդ Թրամփը կարծում է, որ փորձելով իրեն մեղադրել ֆաշիզմի մեջ՝ ԱՄՆ նախագահ Ջո Բայդենի վարչակազմը գործում է որպես ռեպրեսիվ մեքենա։
«Նրանք ինձ մեղադրում էին Հիտլերի սիրահար լինելու մեջ, բայց դա այդպես չէ, ես դրա հակառակն եմ: Այդ նրանք են զբաղվում ռեպրեսիաներով, դա նման է ռեպրեսիվ մեքենայի», - ասել է նա երեքշաբթի Fox News-ի եթերում:
Հոկտեմբերի 23-ին Սպիտակ տան մամուլի քարտուղար Կարինե Ժան-Պիերը հաստատել է, որ Բայդենն իր նախորդին՝ որպես պետության ղեկավար, ֆաշիստ է համարում։ Նույն կարծիքին են, մասնավորապես, ԱՄՆ-ի շտաբների պետերի միացյալ կոմիտեի նախկին նախագահ Մարկ Միլին և Սպիտակ տան նախկին ղեկավար Ջոն Քելլին։ Երկուսն էլ ծառայել են Թրամփի վարչակազմում։
Ըստ The Atlantic ամսագրի, հանրապետականը, նախագահ լինելով, հայտարարել է, որ իրեն պետք են բացարձակապես հավատարիմ գեներալներ, այնպիսիք, ինչպիսիք «ուներ Հիտլերը»:
