նախընտրելի դարձնել
Թբիլիսիում ընդդիմության բողոքի ցույցը բավականին արագ է ավարտվել։
Ըստ «Новости-Грузия» պորտալի՝ հանրահավաքը երեք ժամ էլ չի տևել, գիշերը հերթապահելու կամ վրաններ տեղադրելու կոչեր չեն եղել, որոնց համար դեռ նախորդ շաբաթ ընդդիմադիրները սկսել են միջոցներ հավաքել:
Փոխարենը հայտարարվել է նոր ծրագրի մասին՝ ընդլայնելով բողոքի ցույցերի աշխարհագրությունը։ Թբիլիսիում ամեն օր ակցիան լինելու է նոր թաղամասում՝ սկսած երեքշաբթի Սաբուրթալոյից։ Բողքոքի ցույցեր կլինեն նաև մարզերում։
Հանրահավաքի ավարտից առաջ մասնակիցները Բարաթաշվիլի փողոցի երկայնքով քայլել են դեպի առափնյա փողոց և որոշ ժամանակով պիկետ են արել Արդարադատության Տան փակ շենքի դիմաց:
«Աղմաշենեբելիի ռազմավարության» առաջնորդ Գիորգի Վաշաձեն հայտնել է, որ ռազմավարական կետերը համաձայնեցվել են ընդդիմության առաջնորդների միջև, մասնավորապես.
«1. Պահանջում ենք նոր ընտրություններ նշանակել:
Մենք չենք ճանաչում գողացված ընտրությունները և լեգիտիմություն չենք տալիս խորհրդարանին:
Սկսում ենք դիմադրության շարժում և դիմադրության խաղաղ ճակատ սկզբում Թբիլիսիում, իսկ հետո նաև՝ ամբողջ Վրաստանում։
Յուրաքանչյուր հաջորդ բողոքը լինելու է ավելի ու ավելի սուր, ավելի ու ավելի նպատակաուղղված։
Շարունակում ենք ապացույցների և բոլոր փաստաթղթերի հավաքագրումն ընտրակեղծիքների վերաբերյալ ամբողջական միջազգային հետաքննության համար:
Մենք ամեն ինչ անում ենք միասին։
Սա կշարունակվի մինչև վերջնական հաղթանակ։
Թիվ մեկ նպատակը կառավարությունն է և Կենտրոնական ընտրական հանձնաժողովը, որոնք պետք է անվավեր ճանաչեն ընտրությունները։
Ծրագրված ակցիաների մասին տեղեկությունը կտարածվի ամեն օր թելեգրամյան ալիքի միջոցով։
Ամենակարևորը, որին ձգտում ենք՝ «Վրացական երազանք»-ին» իշխանությունից վերջնականապես հեռացնելն է:
