Նախընտրելի
Մանրամասն սոցիալ-տնտեսական վերլուծության համաձայն՝ Հայաստանի արդյունաբերության ավելի քան մեկ քառորդը հիմնված է հանքարդյունաբերության ոլորտի վրա։ Այս մասին ասված է «Հանքարդյունաբերության դերը Հայաստանի տնտեսության մեջ. Սյունիքի մարզի և ԶՊՄԿ ֆենոմենը» ուսումնասիրության մեջ, որը ներկայացրել է ModexAdvisory ընկերության ղեկավար Հայկազ Ֆանյանը։
Հետազոտության մեջ նշվում է, որ Սյունիքը, որտեղ գործում է ԶՊՄԿ խոշորագույն հանքարդյունաբերական ընկերությունը, Հայաստանի ամենահարուստ մարզն է՝ բացառությամբ Երևանի։
Համեմատաբար փոքր բնակչությամբ տարածաշրջանն ապահովում է զգալի տնտեսական արդյունքներ։ Ըստ ուսումնասիրության՝ հանրապետությունում աղքատության միջին մակարդակը 23% է։ Աղքատության ամենաբարձր մակարդակը գրանցվել է Շիրակի մարզում (43,1%), մինչդեռ Սյունիքում այս ցուցանիշը ամենացածրն է՝ ընդամենը 7%։
Սյունիքի մասնաբաժինը Հայաստանի ՀՆԱ-ում նույնպես 7 տոկոս է։ Սա երկրորդ ցուցանիշն է այլ մարզերի թվում Երևանից հետո (62%)։ Մեկ շնչին ընկնող ՀՆԱ-ի ցուցանիշով Սյունիքը նույնպես երկրորդ տեղում է մայրաքաղաքի մարզից հետո։
