նախընտրելի դարձնել
Բաշար Ասադի վարչակարգի տապալումից հետո Սիրիայում նոր դարաշրջան սկսվեց, սակայն հարցը, թե ով է ղեկավարելու երկիրը, դեռ բաց է մնում։ Նախնական նշանները ցույց են տալիս, որ վարչակարգի դեմ վերջին ապստամբության մեջ առանցքային դեր խաղացած «Հայաթ Թահրիր ալ-Շամ»-ը (HTS) կարող է դառնալ անցումային կառավարության առաջատար ուժը: Դրա առաջնորդի մտերիմ զինակից Աբու Մուհամմադ ալ-Ջուլանիի դիտարկվում է որպես հնարավոր վարչապետ։
«Բոլոր խմբավորումներից «Հայաթ Թահրիր ալ-Շամ»-ն, անկասկած, լավագույնն է Սիրիայի և նրա պետական ինստիտուտների ապագան կերտելու համար»,-գերմանական Bild պարբերականին տված հարցազրույցում հայտարարել է Le Beck International կենտրոնի վերլուծաբան Մայքլ Հորովիցը:
Սակայն «Հայաթ Թահրիր ալ-Շամ»-ի ագրեսիվ առաջխաղացումը որպես գերիշխող ուժ կարող է առաջացնել Ասադի տապալման մեջ ներգրավված ոչ այնքան արմատական խմբերի դիմադրությունը: Ինչպես նշում է Հորովիցը, HTS-ի հետագա գործողությունները տարբեր ընդդիմադիր խմբավորումների, այդ թվում՝ երկրի հյուսիս-արևելքում գտնվող քրդական ուժերի միջև կարող են հանգեցնել ներքին բախման:
Ըստ Bild-ի՝ շատ ապստամբներ, որոնք մասնակցել են, օրինակ, Դամասկոսի վրա գրոհին, «Հայաթ Թահրիր ալ-Շամ»-ին այնքան էլ չեն վստահում։
Թուրքիան, որը 2016 թվականից ուժեղացրել է իր ազդեցությունը Սիրիայի հյուսիսում, կարող է առանցքային դեր խաղալ երկրի հետպատերազմյան կառուցվածքում։ Թուրքական ուժերը, այդ թվում՝ Սիրիայի ազգային բանակի կողմից վերահսկվող ուժերը, շարունակում են ընդլայնել իրենց ներկայությունը տարածաշրջանում ենթակառուցվածքային նախագծերում։ Դա Անկարային դարձնում է Սիրիայում ազդեցության հիմնական հավակնորդներից մեկը:
«Առայժմ կասեի, որ Թուրքիան Ասադի տապալման բացահայտ հաղթողն է և խաղացողը, որն, ամենայն հավանականությամբ, կկարողանա ազդել Սիրիայում իրավիճակի վրա»,-եզրափակել է վերլուծաբանը:
