Ուկրաինան վերլուծում է զենքի մատակարարումների փոփոխությունները և այլընտրանքային ուղիներ է փնտրում իր ռազմական կարիքները բավարարելու համար։ Ուկրաինայի նախագահի աշխատակազմի ղեկավարի խորհրդական Միխայլո Պոդոլյակի խոսքով՝ դիտարկվում են եվրոպացի գործընկերների հետ համագործակցության հնարավորությունները։ Այս մասին հայտնում է РБК-Украина-ն՝ հղում անելով Ուկրաինայի նախագահի աշխատակազմի ղեկավարի խորհրդական Միխայլո Պոդոլյակի Telegram-ին։

Միխայլո Պոդոլյակը մեկնաբանել է Ուկրաինային զենքի մատակարարման հետ կապված իրավիճակը՝ նշելով ընթացիկ ծրագրերի և փոփոխություններին հարմարվելու հնարավոր տարբերակների մանրակրկիտ վերլուծության անհրաժեշտությունը։

Պոդոլյակն ընդգծել է, որ, առաջին հերթին, կարևոր է գնահատել, թե որ ծրագրերը կարող են դադարեցվել՝ հաշվի առնելով, որ դրանցից շատերն արդեն ավարտման փուլում են։

«Չմոռանանք նաև, որ Կոնգրեսում քվեարկված ծրագրեր կան, և սա հատուկ իրավական ընթացակարգ է»,- նշեց նա։

Պոդոլյակի խոսքով, կարևոր է նաև եվրոպացի գործընկերներից նմանատիպ համակարգեր գնելու կամ ստանալու հնարավորությունները։ Նա նշեց, որ արդեն իսկ գործում են փոխարինման ծրագրեր՝ որոշակի տեսակի զենքերի կամ սարքավորումների փոխարինման համար:

«Ուկրաինան արդեն ունեցել է ԱՄՆ-ից ռազմական աջակցության ծրագրերի երկարաժամկետ դադարեցման փորձ և գիտի, թե ինչպես հարմարվել նման իրավիճակներին»,- հավելել է Պոդոլյակը:

Այս առումով նա ընդգծեց առկա ռեսուրսների մանրակրկիտ աուդիտի կարևորությունը՝ որոշելով, թե ինչ կարող է արտադրվել գործընկերության ծրագրերի շրջանակներում և ինչը կարող է փոխարինվել այլ միջոցներով։ Միաժամանակ, աշխատանքներ են տարվում առևտրային շուկաներում և եվրոպացի գործընկերների հետ զենքի որոնման ուղղությամբ։

«Մենք դեռ չենք անտեսում մեր ամերիկացի գործընկերների հետ բանակցությունների հնարավորությունը»,- նշել է նա։