Նախընտրելի
Georgia Online–ը հաղորդում է, որ Իոսիֆ Ստալինի պետական թանգարանը, որը Վրաստանի ամենաշատ այցելվող թանգարաններից մեկն է մայրաքաղաք Թբիլիսիից հետո, կվերականգնվի։
Վերականգնողական աշխատանքներ կիրականացվեն հուշահամալիրում և թանգարանի տաղավարում։ Նախագիծը կիրականացվի թանգարանի սեփական միջոցներով։
Վրաստանի մշակութային ժառանգության պահպանման ազգային գործակալությունը հայտնել է, որ վերականգնման համար հայտարարված երկու մրցույթներն ավարտվել են բացասական արդյունքներով։
Իոսիֆ Ստալինի մանկության տան և Ստալինի պետական թանգարանի տարածքում գտնվող տաղավարի վերականգնման և պահպանման մրցույթը հայտարարվել է փետրվարի 11-ին, իսկ հայտերի ընդունումն ավարտվել է այս տարվա փետրվարի 24-ին։
Նախագծի գնահատված արժեքը կազմել է 109,430 լարի։ Փաստաթղթերի համաձայն՝ մրցույթին հետաքրքրություն է ցուցաբերել միայն «Վելմարի» ՍՊԸ-ն՝ նշված ենթակառուցվածքային նախագծի իրականացման համար պահանջելով 107,107 լարի։ Սակայն ընկերությունը որակազրկվել է տեխնիկական փաստաթղթերի պատճառով։
