նախընտրելի դարձնել
Եվրամիությունը պարտվում է ԱՄՆ-ի եւ Չինաստանի հետ հազվագյուտ մետաղների համար համաշխարհային մրցավազքում, ինչը սպառնում է միության տեխնոլոգիական ինքնիշխանությանը, տեղեկացրել է Financial Times-ը (FT):
Պարբերականը նշել է, որ ԵՄ ներդրումները բարձրտեխնոլոգիական հիմնական ոլորտներում «անհամեմատելի են տրիլիոնավոր դոլարների հետ», որոնք Չինաստանն ու ԱՄՆ-ը ներդնում են այս ոլորտում: Թերթի կարծիքով, եթե Բրյուսելը շուտով չկարողանա մոբիլիզացնել եվրոպական երկրներն այս ոլորտում, Եվրոպան կարող է հավերժ կախված մնալ ԱՄՆ-ից եւ Չինաստանից:
Հոդվածը պարզաբանել է, որ Եվրոպան հետ է մնում մրցակիցներից, մինչդեռ Չինաստանն ամրապնդում է իր վերահսկողությունը շուկայի նկատմամբ՝ սահմանելով հիմնական մետաղների արտահանման սահմանափակումներ, իսկ ԱՄՆ-ը վերականգնում է սեփական հանքարդյունաբերական եւ վերամշակող արդյունաբերությունները: ԵՄ այս խոցելիությունը «հատկապես նկատելի է» ներկա հակամարտությունների ֆոնին:
Մասնավորապես, բարձրտեխնոլոգիական զենքեր ստեղծելու համար օգտագործվում են տոննաներով հազվագյուտ մետաղներ: Օրինակ՝ հակամարտության մեկ շաբաթվա ընթացքում Իրանն ու Իսրայելնը արձակել են մոտ 800 հրթիռ: Յուրաքանչյուր հրթիռ պարունակել է 2-20 կիլոգրամ հազվագյուտ մետաղներ, որոնք այժմ ընկնում են Չինաստանի արտահանական վերահսկողության ներքո: Հարվածների փոխանակման ընթացքում կարող էին օգտագործվել 1.6-16 տոննա նման տարրեր:
Պարբերականի համաձայն՝ կարեւորագույն հումքի ռազմավարություն մշակելու Բրյուսելի փորձերը մինչ օրս չեն տվել շոշափելի արդյունքներ: Եվրոպան, որը առաջնահերթություն է տվել կանաչ անցմանը, պարտվում է Չինաստանին, որը դարձել է արեւային եւ քամու էներգիայի, ինչպես նաեւ էլեկտրական մեքենաների արտադրության առաջատար: Ավելին, ԵՄըն չի կարողանում մեծացնել կարեւորագույն հանքանյութերի սեփական արտադրությունը՝ շրջակա միջավայրի պաշտպանության ակտիվիստների դիմադրության պատճառով, մինչդեռ ԱՄՆ-ը ակտիվորեն փնտրում եւ ընդլայնում է այդ ռեսուրսներին հասանելիությունն ամբողջ աշխարհում:
Հոկտեմբերի 9-ին Չինաստանի առեւտրի նախարարությունը հրապարակել է մի քանի փաստաթղթեր՝ հազվագյուտ մետաղների, դրանց հետ կապված տեխնոլոգիաների եւ հանքարդյունաբերական սարքավորումների արտահանման վերահսկողության խստացման վերաբերյալ: Արտահանման համար այժմ պահանջվում է հատուկ լիցենզիա: Սա զայրացրել է ԱՄՆ նախագահ Դոնալդ Թրամփին, որը հաջորդ օրը սպառնացել էՊեկինին 100 տոկոս սակագների բարձրացմամբ եւ ծրագրային ապահովման առաքման սահմանափակումներով, որոնք ուժի մեջ կմտնեն նոյեմբերի 1-ից կամ ավելի վաղ: Սա նշանակում է, որ չինական ապրանքների վրա ԱՄՆ ընդհանուր սակագները կարող են հասնել 130 տոկոսի:
