Հաստատվել է Արշակ Սրբազանին վերաբերող տեսանյութերի իսկությունը. Եպիսկոպոսները հայտարարություն են տարածել. «ՀԺ». (ֆոտո)

Վարչապետ Նիկոլ Փաշինյանի ընտանիքին պատկանող «Հայկական ժամանակ» թերթի կայքը՝ «Armtimes.com»–ը, գրում է, որ ըելեգրամյան ալիքներում Եպիսկոպոսաց դասին վերաբերող նոր հայտարարության լուսանկար է տարածվում:

Դրանում ասվում է, որ փորձագիտությամբ հաստատվել է Մայր Աթոռի դիվանապետ Արշակ Խաչատրյանին վերագրվող տեսանյութերի իսկությունը, որը ներկայացվել է Գարեգին Բ-ին: Վերջինս առոչինչ է համարում այս արդյունքները:

Հաշվի առնելով սա՝ եպիսկոպոսները դիմել են մնացյալ եպիսկոպոսներին և հանրությանը՝ հայ եկեղեցին Արշակ Խաչատրյանից և նրա մեղքը կիսողներից մաքրելու գործընթացին միանալու համար:

Տարածվող հայտարարությունում նշված են հոգևորականների անունները, նրանցից ոմանք ստորագրել են դրա ներքո:

Ավելի ուշ կայնքը նաև հայտնել է, որ քննչական կոմիտեում իրականացված փորձաքննությունների արդյունքում հաստատվել է Մայր Աթոռի դիվանապետ Արշակ Խաչատրյանի մասնակցությամբ տեսանյութերի իսկությունը։

Ավելի վաղ հայտնել էինք, որ նոյեմբերի 25-ին եպիսկոպոսաց դասը հավաքվել էր Մայր Աթոռում, որտեղ ամենայն հավանականությամբ, ի թիվս այլ հարցերի՝ պետք է քննարկվեր Մայր Աթոռի դիվանապետ Արշակ Խաչատրյանի պաշտոնավարումը բոլոր պաշտոններում և ծառայությունը առժամանակ կասեցնելու արքեպիսկոպոսների և եպիսկոպոսների հորդորը:

ՀՀ քննչական կոմիտեն տեսանյութերի տարածման դեպքի առթիվ վարույթ է նախաձեռնել։

Նոյեմբերի 27-ին Մայր Աթոռից հայտարարություն էին տարածել, որտեղ նշված էր, որ պատարագների ժամանակ կաթողիկոսի անունը զեղչելու գործողությունները ենթակա են խստագույն պատժի, եթե եկեղեցականը չզղջա և չսրբագրի իր հակականոնական ընթացքը սահմանված կարգով։

Նամակն ամբողությամբ՝ լուսանկարներում։