«Եվրոմիլիոն»-ի (EuroMillions) վերջին խաղարկության ժամանակ Ֆրանսիայից մի հաջողակ գուշակել է հինգ հիմնական թվերը և երկու «երջանիկ աստղերը»՝ շահելով մոտ 180 միլիոնանոց ջեքփոթ, գրում է Express-ը։

Հաղթողը դեռևս հանդես չի եկել հրապարակավ, ուստի նրա ինքնությունը մնում է առեղծված։

2004 թվականի փետրվարին կայացած առաջին խաղարկությունից ի վեր «Եվրոմիլիոն»-ի մասնակից բոլոր ինը երկրներից հարյուրավոր խաղացողներ արդեն շահել են ջեքփոթը։ Վիճակախաղի պատմության մեջ ամենախոշոր շահումը կազմել է մոտ 250 միլիոն եվրո, և այն այս տարի շահել են երեք անգամ. հաղթողները եղել են Ֆրանսիայից, Իռլանդիայից և Ավստրիայից։

Այս անգամ շահող թվերն են՝ 5, 29, 33, 39, 42, իսկ «երջանիկ աստղերը»՝ 3 և 9։ Հաղթողի տոմսի համարը դեռ չի հրապարակվել, սակայն գումարը, որը նա կստանա, ընդմիշտ կփոխի նրա կյանքը։