Թերթը գրում է, որ երեկ տեղեկացել է, որ Արաբկիրում մեծամասնական ընտրակարգով պատրաստվում է առաջադրվել նաեւ նախկին թաղապետ Ալբերտ Երիցյանը: «Նա մրցելու է ՍԱՍ-ի Արտակի հետ: Ինչ վերաբերում է իր որդու հետ կապված քրեական գործին, ապա Երիցյանն ասել է. «Այն, ինչի մեջ այսօր մեղադրվում է իմ որդին, կարծում եմ` ժամանակը ցույց կտա, որ նա մեղավոր չէ, ես համոզված եմ, որ նա անմեղ է: Բայց իմ հեղինակության հետ որեւէ մեկը չի կարող կապել: Իմ հեղինակությունն ինքս եմ ստեղծել եւ այսօր, երբ քայլում եմ Արաբկիրում եւ տեսնում եմ, որ իմ քաղաքացիները, իմ բնակիչներն ինձ հարգում ու սիրում են, դա ինձ համար ամենամեծ ձեռքբերումն է»,- գրում է «Հրապարակ»-ը: