ԱՄՆ գյուղատնտեսության նախարարությունը ներկայացրել է 2026 թվականին մսամթերքի հիմնական տեսակների համաշխարհային առևտրի դինամիկայի կանխատեսումը։ Սպասվում է, որ ցուցանիշը կաճի 1 տոկոսով՝ 2025 թվականի մակարդակի համեմատ։ Տավարի մսի առևտուրը կնվազի 1 տոկոսով՝ Օվկիանիայում, Բրազիլիայում և ԱՄՆ-ում առաջարկի կրճատման պատճառով։ Խոզի մսի համաշխարհային արտահանումը նույնպես կնվազի 1 տոկոսով՝ ԵՄ-ում արտադրության նվազման հետևանքով, փոխանցում է «Ագրոէքսպորտ»-ը։

«Միայն թռչնամիսը, որի արտահանման մատակարարումները Բրազիլիայից և Չինաստանից կմնան նշանակալի, ըստ կանխատեսումների, կաճի», նշել են գերատեսչության վերլուծաբանները։

Նրանց գնահատմամբ, 2026 թվականին թռչնամսի համաշխարհային արտահանումը կաճի 3 տոկոսով և կհասնի ռեկորդային 14,7 միլիոն տոննայի։ Սա կլինի առևտրի աճի երրորդ անընդմեջ տարին՝ պայմանավորված ամենաարդյունավետ կենդանական սպիտակուցի նկատմամբ աճող պահանջարկով և բնակչության թվի աճով։