նախընտրելի դարձնելԱնահիտ աստվածուհու գլուխը եւ ձեռքերը, որոնք գտնվում են Բրիտանական թանգարանում, ներկայացված են ընդհանուր հելլենիստական բաժնում, ինչը մտահոգիչ է: Այս մասին, այսօր` փետրվարի 9-ին, մամուլի ասուլիսում ասաց «Ժառանգություն» կուսակցության վարչության քարտուղար Կարինե Հակոբյանը: «Խնդիրը այն չէ, որ այն Հայաստանում չէ, այլ այն, որ այն ներկայացված է ընդհանուր հելենիստական բաժնում. այսինքն չեն ներկայացվում, որպես հայկական արվեստի օրինակ»,-նշեց նա:
Կ. Հակոբյանը նկատեց, որ հայկական արվեստի բոլոր նմուշներն էլ արտերկրում չեն ներկայացվում որպես հայկական արվեստի նմուշներ:
Նա առաջարկում է մտածել, ոչ թե Անահիտ աստվածուհու արձանը Հայաստան տեղափոխելու մասին, այլ նրան հայկական անձնագիր տալու հարցը բարձրացնել: «Ժառանգության» անդամի խոսքով, մինչեւ հիմա որպես վարկած նշվում է, որ արձանը գտնվել է Հայաստանի Երզնկա գյուղում:
Իսկ հայկական պատմական կոթողները Հայաստանում եւ արտերկրում պահպանելու համար, նա առաջարկում է օրենսդրական դաշտ ստեղծել, որը կլինի մշակութային կոթողների պահպանման երաշխիքը:
«Հայաստանի նման մշակույթ ունեցող երկիրը համարժեք արվեստաբանություն չունի: Ավելին, հայագիտությունը պետք է զարգացնենք, թե Հայաստանում, թե դրսի հայագիտական կենտրոններում»,- ասաց Կարինե Հակոբյանը:
Ի դեպ, նա ահազանգեց, որ Թեղուտի տարածքում պատմամշակութային հուշարձանները եւս վտանգված են: Ինչի պատճառներից մեկն էլ, ըստ նրա, այն է, որ մշակույթի նախարարությունը դարձյալ իր բարձրության վրա չէ:
