Ճապոնիայի արևմուտքում գտնվող դատարանը Տեցույա Յամագամիին ցմահ ազատազրկման է դատապարտել՝ ավելի քան երեք տարի առաջ նախկին վարչապետ Աբե Սինձոյի սպանության համար։ Այս մասին հայտնում է NHK-ն:

45-ամյա Յամագամիին մեղադրանք է առաջադրվել 2022 թվականի հուլիսի 8-ին Նարա քաղաքում քաղաքական միջոցառման ժամանակ ելույթի ընթացքում երկրի վարչապետին ինքնաշեն ատրճանակով սպանելու համար։

Յամագամին հայտարարել է, որ Աբեին համարել է քաղաքական աշխարհի և «Միավորման եկեղեցի» անվամբ հայտնի կրոնական խմբի միջև կապող գլխավոր օղակը, որին իր մայրը զգալի գումարներ էր նվիրաբերել։ Նա հավելել է, որ այդ նվիրատվությունները իրենց ընտանիքին հասցրել են ֆինանսական կործանման։

Դատախազները պահանջել են ցմահ ազատազրկում, մինչդեռ փաստաբանները պնդել են 20 տարուց ոչ ավել բանտարկության ժամկետ սահմանելու համար։