Նախընտրելի
ԱՄՆ պետքարտուղար Մարկո Ռուբիոն որոշ ժամանակ կապի մեջ է եղել Ռաուլ Ռոդրիգես Կաստրոյի՝ Կուբայի նախկին առաջնորդ Ռաուլ Կաստրոյի թոռան հետ։ Այս մասին հայտնել է Axios-ը՝ հղում անելով ԱՄՆ նախագահ Դոնալդ Թրամփի վարչակազմի իր սեփական աղբյուրներին։
«Ես այս բանակցությունները չէի անվանի. ավելի շուտ ապագայի մասին քննարկումներ», - ասել է աղբյուրներից մեկը՝ նշելով, որ ներգրավված կողմերը պետք է լավ հասկանան միմյանց՝ հաշվի առնելով Ռուբիոյի կուբայական ծագումը։ Նա ծնվել է ԱՄՆ-ում, բայց որի ծնողները ստիպված են եղել լքել Կուբան 1959 թվականի հեղափոխությունից հետո։
«Ռուբիոն և նրա թիմը 41-ամյա Կաստրոյի թոռանը և նրա շրջապատին համարում են գործարար մտածողությամբ կուբացիների երիտասարդ սերնդի ներկայացուցիչներ, որոնց համար հեղափոխական կոմունիզմը ձախողվել է և ովքեր արժեք են տեսնում ԱՄՆ-ի հետ մերձեցման մեջ», - նշում է Axios-ը։
Հրատարակությունը շեշտում է, որ շփումները շրջանցում են Կուբայի կառավարության պաշտոնական ուղիները, սակայն սա ցույց է տալիս, որ 94-ամյա նախկին կուբացի առաջնորդը մնում է ազդեցիկ դեմք, որը կայացնում է իրական որոշումներ։
«ԱՄՆ վարչակազմի դիրքորոշումն այն է, որ Կուբայի ռեժիմը պետք է հեռանա, բայց թե ինչպես դա ճիշտ կլինի, կախված է նախագահ Թրամփից, և նա դեռ որոշում չի կայացրել։ Ռուբիոն դեռևս բանակցություններ է վարում Կաստրոյի թոռան հետ», - շարունակել է Axios-ի աղբյուրներից մեկը։
Վերլուծաբանները կարծում են, որ Կուբայում ԱՄՆ վարչակազմը կարող է դիմել Վենեսուելայում օգտագործված սցենարի տարրերին, որտեղ երկրի ղեկավարության մի քանի նախկին անդամներ մնում են իշխանության գլուխ։
«Կուբայում նրանք (ամերիկացիները) փնտրում են հաջորդ Դելսիին», - այսպես է հրատարակությանը նկարագրել տեղեկացված աղբյուրը Ռուբիոյի և Կաստրո կրտսերի միջև շփումները՝ նկատի ունենալով Վենեսուելայի նախկին փոխնախագահ Դելսի Ռոդրիգեսին, որը ԱՄՆ-ի կողմից Նիկոլաս Մադուրոյի տապալումից հետո ստանձնեց երկրի ժամանակավոր նախագահի պաշտոնը։
Միաժամանակ, ամերիկյան վարչակազմը ընդգծում է, որ Ռուբիոն որևէ բանակցություններ չի վարել Կուբայի ներկայիս նախագահ Միգել Դիաս-Կանելի կամ որևէ այլ բարձրաստիճան պաշտոնյայի հետ։
