Խառը մենամարտերում հանդես եկած բուլղարացի մարզիկ Բլագոյ Իվանովը փետրվարի 27-ին դանակի հարվածից ստացված վնասվածքով տեղափոխվել է հիվանդանոց։

Հայտնի մարզիկին դանակով հարվածել են Սոֆիայի բարերից մեկում տեղի ունեցած ծեծկռտուքի ժամանակ։

Իվանը երկու ընկերների հետ բարում է եղել, երբ նրանց վրա հարձակվել են դանակներով եւ մահակներով զինված յոթ անծանոթներ։

Այս պահին մարզիկը գտնվոմ է Սոֆիայի հիվանդանոցներից մեկի վերակենդանացման բաժնում, եւ բժիշկները նրա վիճակը ծայրահեղ ծանր են գնահատում։

Հաղորդվում է, որ մարզիկը դանակի հարված է ստացել սրտի հատվածում։

Ապրիլի 24-ին Իվանովը պետք է հերթական մենամարտն անցկացներ։ Մինչեւ այս, բուլղարացի մարտիկը 7 մենամարտ է անցկացրել, որոնցին վեցում հաղթել է եւ մեկ մրցամարտ ավարտվել է ոչ ոքի արդյունքով, գրում է ИТАР-ТАСС-ը։