ՆախընտրելիԼՂՀ պաշտպանության նախարարությունում հերքել են ադրբեջանական լրատվամիջոցների այն լուրերը, թե հրադադարի ռեժիմի խախտման արդյունքում ադրբեջանցի սպա է վիրավորվել:
ԼՂՀ ՊՆ մամուլի քարտուղար Սենոր Հասրաթյանը NEWS.am-ի թղթակցի հետ զրույցում նշել է, որ դա ադրբեջանական կողմի հերթական ապատեղեկատվությունն է: «Պաշտպանության բանակի առաջապահ ստորաբաժանումները հավատարիմ են մնում հրադադարի ռեժիմի պահպանման պայմանավորվածությանը»,-ընդգծել է նա:
Նշենք, որ ըստ ադրբեջանական լրատվամիջոցների, որոնք վկայակոչում են Ադրբեջանի ՊՆ մամուլի ծառայության պետի տեղակալ Թեյմուր Աբդուլաեւին, հրազենային վնասվածք է ստացել 24-ամյա լեյտենանտ Փյարվին Ալիեւը: Նա գտնվում է բժիշկների հսկողության տակ:
