նախընտրելի դարձնելԵղանակային պայմանների բարելավմամբ, Երեւանում կմեկնարկեն Մաշտոցի պողոտայի եւ Կողբացի փողոցի միջնամասում գտնվող պուրակի բարեկարգման եւ կանաչապատման աշխատանքները:
Այս մասին այսօր` մարտի 12-ին, նշվել է Երեւանի քաղաքապետարանում կայացած խորհրդակցության ժամանակ:
«Այս տարի մենք նախատեսում ենք կրկնապատկել նախորդ տարիներին նախատեսված եւ կատարված աշխատանքները: «Կանաչ Երեւան» կարգախոսին համապատասխան ակնկալում ենք ավելացնել մայրաքաղաքի կանաչ գոտիներն ու հետեւողական աշխատանք տանել դրանց մշտական խնամքի ապահովման ուղղությամբ»,-նշել է Տարոն Մարգարյանը:
Անդրադառնալով մարտի 8-ից մինչ ապրիլի 7-ը մեկնարկած «Ձեզ համար կանայք» անվճար բուժօգնության մեկամսյակին` քաղաքապետը հանձնարարել է պատշաճ ձեւով իրազեկում ապահովել, թե առողջապահական որ հաստատություններում են տրամադրվելու համապատասխան անվճար բուժծառայությունները:
Խորհրդակցության ընթացքում քաղաքապետին ներկայացրել է ՅՈՒՆԵՍԿՕ-ի կողմից Երեւանը 2012 թվականին գրքի համաշխարհային մայրաքաղաք հռչակելու կապակցությամբ նախատեսվող միջոցառումների նախնական ցանկը եւ նախապատրաստական աշխատանքների ընթացքի վերաբերյալ տեղեկատվություն:
