Աշխարհի յոթ հրաշալիքներից մեկը` Շամիրամի կախովի այգիները, իրականում գտնվել են ոչ թե Բաբելոնում, այլ Նինվե քաղաքում` Բաբելոնից գրեթե 300 մղոն հեռավորության վրա: Դա պարզել է Օքսֆորդի համալսարանի պատմաբան Ստեֆանի Դալին: Դալին նաեւ պարզել է, որ այգիները կառուցել է ոչ թե Բաբելոնի կառավարիչ Նաբուգոդոնոսորը, այլ ասորեստանցի Սինահհերիբը:
Բրիտանուհին հետեւյալ ապացույցներն է բերում. նախ` կախովի այգիների պատկերն առկա է Նինվեում` Սինահհերիբի պալատում:
Այնուհետեւ գիտնականը պարզաբանում է, թե ինչպես է ծագել պատմական առասպելը. մ. թ. ա. 689թ. Բաբելոնը գրավվել էր Ասորեստանի կողմից, որից հետո ասորական Նինվե մայրաքաղաքն անվանվել էր «Նոր Բաբելոն»: Իսկ Շամիրամի այգիների մասին ժամանակի ընթացքում սկսել են խոսել, որ դրանք գտնվել են ոչ թե Նոր, այլ պարզապես Բաբելոնում, գրում է «Ռոսբալտը»:
Բացի դրանից, ուսումնասիրելով Բաբելոնի եւ Նինվեի շրջակա տեղանքը, բրիտանուհին եզրակացրել է, որ Բաբելոնի շրջակա ողորկ տարածքի պատճառով շատ դժվար կլիներ կախովի այգիների համար անհրաժեշտ քանակությամբ ջուր հասցնել:
