2010թ. հունվարից մայիս ընկած ժամանակահատվածում Հայաստանի բանկային համակարգով ֆիզիկական անձանց անվամբ ստացվել են 479,9 մլն դոլարի չափով դրամական միջոցներ: Հայաստանի կենտրոնական բանկի ամենամսյա հաշվետվության մեջ հաղորդվում է, որ նախորդ տարվա նույն ժամանակահատվածի համեմատությամբ տվյալ ցուցանիշն աճել է 4,2 տոկոսով կամ 19,2 միլիոնով:
Փոխանցումների ամենամեծ ծավալը ստացվել է Ռուսաստանից՝ 308 մլն դոլար, ապա հաջորդում են ԱՄՆ-ը՝ 48,1 մլն դոլար, եւ Գերմանիան՝ 8,6 մլն դոլար: Թուրքիան, Հայաստան ուղարկված տրանսֆերտների ծավալով գտնվում է 9-րդ տեղում՝ 957 հազար դոլար ցուցանիշով:
