Միլանում նորաձեւ խանութներից մեկը ենթարկվել է ներքնազգեստով գնորդների գրոհին, հայտնում է Avufa պորտալը:
Նման արտասովոր արշավանքի պատճառը հենց խանութն է դարձել, որը զեղչերի կիզակետում քաղաքացիներին առաջարկել է անվճար հագնվել` պայմանով, որ խանութ գան միայն ներքնազգեստով, որը պետք է անպայման կարմիր լիներ:
Կազմակերպիչներն այդքան մեծ իրարանցում չէին սպասում, սակայն պարզվել է, որ նորաձեւ տեսքի համար կանայք պատրաստ են դիմել ամենախենթ արարքների, ընդհուպ` կիսամերկ խանութ գալը: Ցավոք, գնորդների հոսքի պատճառով խանութը չի կարողացել շնորհակալություն հայտնել կանանց համարձակության համար. անվճար հագուստները բաժին են հասել միայն առաջին 100 գնորդներին, սակայն մյուսներին էլ բաժին է հասել լրագրողների եւ տղամարդկանց ուշադրությունը: