![](img/news/27/01/38/default.jpg)
Երեւանի Բեկնազարյան փողոցի սեփական տներից մեկում այսօր՝ հունիսի 4-ին, 5-ամյա փոքրիկը ոչ թե մնացել է վերելակի դռների արանքում, այլ արգելափակվել է երկրորդ եւ երրորդ հարկերի արանքում, ինչի հետեւանքով երեխան վնասվածք է ստացել: Այս մասին NEWS.am-ին ասաց ՏԿԱԻՆ ճգնաժամային կառավարման կենտրոնի պետ, փրկարար ծառայության գնդապետ Հովհաննես Խանգելդյանը:
«Դեպքը տեղի է ունեցել սեփական տանը, վերելակը դռներ չի ունեցել: Ըստ նախնական կանխավարկածի՝ վերելակն արգելափակվել է երկրորդ եւ երրորդ հարկերի արանքում եւ երեխան վնասվածք է ստացել: Այդ պահին նրա հետ այլ մարդիկ էլ են եղել: Թե ինչ է տեղի ունեցել, կպարզի փորձագիտական եզրակացությունը»,- ասաց Հովհաննես Խանգելդյանը:
Ավելի վաղ հայտնել էինք, որ Հայաստանի ՏԿԱԻՆ-ում հունիսի 4-ին ժամը 11.28-ին ահազանգ է ստացվել, որ երեխայի գլուխը մնացել է Երեւանի Բեկնազարյան փողոցի թիվ 5/9 տան վերելակի դռների արանքում: Դեպքի վայր մեկնած հրշեջ-փրկարարները 5-ամյա Լյուսի Բ.-ին դուրս են բերել վերելակից: Վերելակում են գտնվել նաեւ 7-ամյա Մ. Բ.-ն եւ երեխայի դայակ Ն. Զ.-ն: Լյուսի Բ.-ն հոսպիտալացվել է «Արմենիա» ՀԲԿ, որտեղ էլ մահացել է: