Ամերիկյան Օհայոյից գիտնականները բացահայտել են, թե ինչու են որոշ մարդիկ բաժանումից հետո շարունակում սոցիալական ցանցերում հետեւել իրենց նախկին սիրելիներին, եթե անգամ չեն շփվում նրանց հետ: Մասնագետները 430 կամավորների մասնակցությամբ հետազոտություն են անցկացրել: Բոլորն էլ սեփական էջն են ունեցել սոցցանցերում, այնտեղ օրական ավելի քան 100 րոպե են անցկացրել, ինչպես նաեւ բաժանված են եղել զուգընկերոջից:
Պարզվել է, որ կամավորների մեծ մասը հետեւում է նախկին սիրելիին՝ դրա համար բավական շատ ժամանակ ծախսելով: Նպատակը մեկն է եղել. նրանք փորձել են պարզել, թե ում հետ է իր նախկինը ծանոթանում եւ ինչպես է ժամանակ անցկացնում:
Ընդ որում, ըստ Planet-today-ի, եթե բաժանումը սթրեսային է եղել, նախկինին ավելի ջանասիրաբար են հետեւել:
Գիտնականները նշել են, որ այս երեւույթը հատուկ է ոչ բոլորին, այլ միայն այն մարդկանց, որոնց մոտ կապվածության անհանգիստ տեսակ է նկատվում, ինչը խոսում է այն մասին, որ այդպիսի մարդկանց հոգեբանական վիճակը թույլ է, իսկ սոցիալական ցանցերը խանգարում են մոռանալ նախորդ հարաբերությունները:
