Կոտրելով ծանոթությունների կայքերից մեկը՝ հաքերը վաճառքի է հանել ամբողջ աշխարհից կայքի 20 մլն օգտատերերի գաղտնաբառերը: Նրանց գրեթե կեսը ռուսաստանցիներ են, 40%-ը՝ Արեւմտյան Եվրոպայի բնակիչներ:
Բոլորն էլ գրանցվելիս e-mail են օգտագործել: Նրանցից 7 միլիոնը օգտագործել է Hotmail.com փոստը, 2.5 մլն-ը՝ Yahoo.com-ը, 2.3 մլն-ը՝ Gmail.com-ը: Այս մասին գրում է «Իզվեստիա»-ն՝ վկայակոչելով Bloomberg-ին:
Իրավապահների փոխանցմամբ, հաքերն արդեն կապ է հաստատել գաղտնաբառերի տերերի հետ՝ առաջարկելով գնել դրանք: Այդպիսի տեղեկությունը մեծ պահանջարկ կարող է ունենալ խարդախությամբ զբաղվողների շրջանում: