Mattel ընկերությունը նոր Բարբի-նախագահ է ներկայացրել, ընդ որում, տիկնիկի տեղակալը ոչ թե Քենն է, այլ եւս մեկ Բարբի: Այս մասին գրում է Gazeta-ն՝ վկայակոչելով The Wall Street Journal-ը:
Երկու տիկնիկից կազմված հավաքածուն հասանելի է ութ տարբերակով, որոնք միմյանցից տարբերվում են մաշկի գույնով: Այն ԱՄՆ-ում եւ համացանցում վաճառքի կհանվի այս ամսվա ընթացքում եւ կարժենա 24.99 դոլար:
Տուփի հետեւի հատվածում կարելի է հետեւյալ գրությունները տեսնել. «Հիմա ավելի ու ավելի շատ կանայք ենք իրենց թեկնածությունն առաջադրում որեւէ բարձր պաշտոնի» եւ «Դուք հետաքրքրվա՞ծ եք աշխարհն ավելի լավը դարձնելու հարցում»:
