Լոնդոնի Բրիտանական թանգարանում է աշխատող սպասավորը պատահաբար կոտրել է հինհռոմեական Վեներայի արձանի մատը, հայտնել են թանգարանի ներկայացուցիչները։ Դեպքը տեղի է ունեցել անցած տարվա դեկտեմբերին, սակայն այդ մասին միայն այս շաբաթ է հայտնի դարձել, փոխանցում է BBC–ն։
Սպասավորը կռացել էր Չառլզ Թաունլիի հավաքածուին պատկանող այդ քանդակի առաջ ու երբ ցանկացել է վեր կենալ՝ կպել է Վեներայի ձեռքին, ինչի հետեւանքով կոտրվել է արձանի մատը։ Թանգարանում նշել են, որ արձանը հիմա ամբողջովին վերականգնվել է ու նորից ցուցադրության է դրված։
Վեներան մինչ այդ էլ ցուցամատ չուներ, որը պոկվել էր դեռ մինչեւ Բրիտանական թանգարանում հայտնվելը։
Սիրո կիսամերկ աստվածուհու քանդակը հինհռոմեական արձանի մարմարյա կրկնօրինակն է ու պատկանում է Ք․հ 1-2-րդ դարերին։ Այն հայտնաբերվել է 1775-ին հինհռոմեական Օստիյա նավահանգստային քաղաքի բաղնիքում, որից հետո այն գնել էր բրիտանացի կոլեկցիոներ Չառլզ Թաունլին։
