Երեւանի թատրոնի եւ կինոյի ինստիտուտի ռեկտոր Արմեն Մազմանյանը, ուկրաինահայ ռեժիսոր եւ սցենարիստ Ռոման Բալայանը ՀՀ կառավարության հետ համատեղ կստեղծեն «Հայ արտ սինեմա» հիմնադրամը: Այդ նպատակով ՀՀ կառավարությունն իր պահուստային ֆոնդից կներդնի 1 մլն դրամ: Հարցը ներառված է ՀՀ կառավարության օգոստոսի 2-ի նիստի օրակարգում:
Հիմնադրամի տնօրենի ժամանակավոր պաշտոնակատար կնշանակվի Մարտին Ադոյանը («Մոսկվա» կինոթատրոնի տնօրեն):
«Հայ արտ սինեմա» հիմնադրամի նպատակն է աջակցել ժամանակակից հայ կինոյի, կինեմատոգրաֆիայի զարգացմանը, կրթական համակարգում ստեղծել ռեժիսուրայի բարձրագույն դասընթացներ: Հիմնադրամը հայ ժամանակակից կինոն պետք է տարածի եւ գովազդի համաշխարհային կինոշուկայում: