Ֆինլանդիայի ռազմաօդային ուժերի երկու օդանավեր նոյեմբերի 13-ին վթարի են ենթարկվել երկրի արեւմուտքում, հայտնում է Yle հեռուստառադիոընկերությունը:

Ըստ առկա տեղեկության՝ BAE Hawk ռազմաուսումնական օդանավերը օդում բախվել են արեւմտյան Էստերբոտնիա նահանգի Կաուհավա քաղաքի տարածքում, որտեղ գտնվում է Ֆինլանդիայի ռազմաօդային ուժերի ամառային դպրոցը, հայտնում է «ՌԻԱ Նովոստին»: 

Օդաչուները դուրս են նետվել, նրանց վիճակի մասին տեղեկություն առայժմ  չի ստացվել:

Կատարվածի հանգամանքները ճշտվում են: