«Տաշիր Գրուպ» ձեռնարկության սեփականատեր Սամվել Կարապետյանն՝ այսօր սեպտեմբերի 26-ին, ՀՀ նախագահ Սերժ Սարգսյանի կողմից պարգեւատրվեց «Հայրենիքին մատուցած ծառայությունների համար» 1-ին աստիճանի շքանշանով Հայոց ցեղասպանության 100-րդ տարելիցին նվիրված միջոցառումների կազմակերպման և անցկացման աշխատանքներին ցուցաբերած գործուն աջակցության համար։
Սամվել Կարապետյանին շքանշանը շնորհվեց ՀՀ Նախագահի նստավայրում, Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի 6-րդ նիստին, որը վարում էր հանձնաժողովի նախագահ, ՀՀ նախագահ Սերժ Սարգսյանը:
Պարգեւատրումից հետո Սերժ Սարգսյանը տեղեկացրեց, որ Սամվել Կարապետյանը ստիպված է լքել արարողությունը, քանի որ վերջինը «քավորության է»։
«Հայրենիքին մատուցած ծառայությունների համար» 2-րդ աստիճանի մեդալով պարգեւատրվեցին գործարար Գուրգեն Արսենյանը, «ՍԱՍ Գրուպ» ՍՊԸ-ի համահիմանդիր Արամ Սարգսյանը, «Ավիլոն» ընկերության սեփականատեր Կամո Ավագումյանը, գործարար Աշոտ Խաչատրյանը, «Արդշինինվեստբանկ» ՓԲԸ-ի խորհրդի նախագահ Կարեն Սաֆարյանը, «Դերժավա» և «Սլավգրուպ» ընկերությունների նախագահ Արկադի Համբարձումյանը, «Ջերմուկ գրուպ» ՓԲԸ-ի հիմնադիր նախագահ Աշոտ Արսենյանը եւ սփյուռքի մի խումբ բարերարներ եւ գործարարներ։
Նշենք, որ արարողության Հայաստանի եւ Սփյուռքի մի խումբ բարերարներ, գործարարներ պարգեւատրվեցին ՀՀ պետական բարձր պարգեւներով, արժանացել՝ շնորհակալագրերի: Նախագահ Սերժ Սարգսյանը հանձնել է պարգեւները, շնորհավորել պարգեւատրվածներին եւ մաղթել հաջողություններ:
