Սիրիայում նոյեմբերի 23-ին գնդակոծվել են ռուս լրագրողներին ՍԱՀ բանակի առաջավոր դիրքեր տանող ավտոմեքենաները, լրագրողներից երեքը վիրավորում է ստացել: Այս մասին հայտնում է «ՌԻԱ Նովոստին»՝ վկայակոչելով Ռուսաստանի Պաշտպանության նախարարությունը:
«Երեկ, նոյեմբերի 23-ին, երբ ռուս լրագրողները սիրիական կառավարական բանակի առաջավոր գիծ էին մեկնում՝ Զուաեկ ռազմավարական բարձունքի հարեւանությամբ գտնվող Դագմաշլիա բնակավայր, նրանց մեքենաները գնդակոծվել են «ՏՕՈՒ» հակահրթիռային կառավարելի հրթիռով»,- հայտնել են Պաշտպանության նախարարությունից:
Երեք ռուս լրագրողները թեթեւ վնասվածքներ են ստացել, նրանցից մեկը՝ ուղեղի ցնցում: Այս պահին լրագրողների ամբողջ խումբը վերադարձել է «Հմեյմիմ» ավիաբազա, որտեղ վիրավորներին որակյալ բուժօգնություն է ցուցաբերվում: