Հայաստանի գործող չեմպիոն «Ալաշկերտի» գլխավոր մարզիչ Աբրահամ Խաշմանյանը, ով հոկտեմբերին հեռացել էր թիմից, վերադարձավ այնտեղ,այդ մասին հայտնի դարձավ News.am-ին: Խաշմանյանը, ով «Ալաշկերտին» բերել էր չեմպիոնության, ունի գործող պայմանագիր թիմի հետ: Ձմեռային դադարից հետո «Ալաշկերտը» կսկսի պատրաստվել մարզական հավաքներին:
Հիեցնենք, որ Աբրահամ Խաշմանյանը «Ալաշկերտից» հեռացել էր Հայաստանի գավաթի խաղարկության քառորդ եզրափակչի «Փյունիկ»-«Ալաշկերտ» (1:0) հանդիպումից հետո, երբ թիմի նախագահ Բագրատ Նավոյանը խաղից հետո մտել էր հանդերձարան, անվստահություն հայտնել մարզչական շտաբին եւ մի քանի ֆուտբոլիստի հեռացրել թիմից: Հետխաղյա մամուլի ասուլիսին Խաշմանյանը լրագրողներին հայտնել էր, որ հրաժարական է տալիս:
Վերա Մարտիրոսյան
