News
Լրահոս
News
Չորեքշաբթի
Մարտ 29
Տեսնել լրահոսը

Վարչապետ Կարեն Կարապետյանի մոտ շահագրգիռ գերատեսչությունների ղեկավարների մասնակցությամբ տեղի է ունեցել խորհրդակցություն, որի ընթացքում քննարկվել են Գեղարքունիքի մարզից ներկայացված ներդրումային ծրագրերի փաթեթները՝ վարչապետի մարզային այցի շրջանակում ձեռք բերված պայմանավորվածության համաձայն: 

Մանրամասն անդրադարձ է կատարվել ներկայացված բիզնես ծրագրերից յուրաքանչյուրին, որոնք վերաբերում են պանրագործության, կաթնամթերքի, գյուղմթերքի արտադրության ընդլայնմանն ու զարգացմանը, ինչպես նաեւ առանձին բիզնես ծրագրերում արտաքին ներդրողների ներգրավմանը:    

Կարեւորելով մարզերում ներդրումային ծրագրերի խթանումն ու իրականացումը՝ վարչապետը նշել է, որ կառավարությունը համաֆինանսավորելու եւ աջակցություն է ցուցաբերելու այն ծրագրերին, որոնք հեռանկարային են, ունեն տնտեսական հիմնավորում, գնահատված ռիսկեր, կարող են դառնալ արդյունավետ բիզնես՝ ստեղծելով նոր աշխատատեղեր եւ ապահովելով մուլտիպլիկատիվ էֆեկտ:

Ամփոփելով քննարկման արդյունքները՝ Կարեն Կարապետյանը հանձնարարել է Գյուղատնտեսության, Տնտեսական զարգացման եւ ներդրումների նախարարություններին եւ առաջարկել Կենտրոնական բանկին՝ հավանության արժանացած ծրագրերի իրականացմանը համապատասխան ընթացք տալու նպատակով դիտարկել իրենց կառույցների միջոցով օժանդակություն ցուցաբերելու հնարավորությունը: 

Առաջարկվել է նաեւ Կենտրոնական բանկի մասնակցությամբ ստեղծել հարթակ՝  գործարարների համար բիզնես դասընթացներ եւ ուսումնական ծրագրեր իրականացնելու նպատակով, ինչը կնպաստի ներդրումային ծրագրերի ավելի հիմնավոր եւ արդյունավետ կազմմանը:

Հաջորդիվ կառավարությունում քննարկվելու են նաեւ մյուս մարզերից ստացված ծրագրային փաթեթները:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջ
Մեկնարկել է պատվաստանյութերի բաշխման եւ կենդանիների պատվաստումների գործընթացը. գյուղնախ
Ելնելով հարեւան երկրներում տիրող կենդանիների վարակիչ հիվանդությունների բարդ համաճարակային եւ հանրապետության առանձին մարզերի կենդանիների վարակիչ հիվանդությունների համաճարակային իրավիճակից...
Վերաֆինանսավորման տոկոսադրույքը մնաց անփոփոխ՝ 6 տոկոս
Արտաքին հատվածում ընթացող միտումներն հիմնականում պահպանվել են...
Դոլարի անկումը շարունակվում է. նրան են միացել եվրոն ու ռուբլին
Մարտի 28-ին ՆԱՍԴԱՔ ՕԷՄԷՔՍ ԱՐՄԵՆԻԱ ԲԲԸ-ում դոլարի առք ու վաճառք չի կայացել...
Ծառուկյանի գործընկերներն իրենց ինքնաթիռներով կգան ու 15 մլրդ դոլարի ներդրում կբերեն
«Ես ուղղակի փշաքաղվել եմ: Ես չեմ դիմել իմ գործընկերներին, բայց տեսնելով այս աջակցությունը, հավատը, որ հաղթելու ենք...»
11 ձեռներեցներ 5 մարզերից հմտացել են սոցիալական հարթակներում սեփական ապրանքներն առաջ մղելու ոլորտում
Դասընթացը նախատեսված է փոքր եւ միջին բիզնեսի ներկայացուցիչների համար, որոնք մեծ բյուջե չունեն սոցիալական հարթակներում մարքեթինգ իրականացնող…
Ում կարող է նշանակվել արտոնյալ պայմաններով աշխատանքային կենսաթոշակ. Սոցապնախարարությունը ներկայացնում է կարգը
N 2 ցուցակով արտոնյալ պայմաններով կենսաթոշակ նշանակվում է 59 տարին լրացած անձին, եթե նա ունի առնվազն 25 օրացուցային տարվա…
Ամենաշատ
Partner news