Մոսկվայում տղամարդը նախկին սիրուհուց խլել է իր իսկ նվիրած մուշտակը, iPhone-ը, թանկարժեք մեքենան ու այլ բաներ,հայտնում է «Մոսկվա» գործակալությունը՝ վկայակոչելով իրավապահ մարմիններին։

Տուժածը՝ 28-ամյա գործազուրկ է։ Ոստիկանությունում նա պատմել է, որ իր նախկին ընկերը մտել է իր բնակարան երկու անծանոթ տղամարդու հետ, որոնցից մեկի ձեռքին ատրճանակ է եղել։

Նրանք իրենց հետ տարել են աղջկա ոսկեղենը, երեք մուշտակը, iPhone--ը, արտարժույթով խնայողությունները ու թանկարժեք մեքենայի բանալին, որով էլ հենց փախուստի են դիմել։ Աղջիկը շեշտել է, որ այդ ամենը հենց իր ընկերն էր ժամանակին նվիրել։

Երիտասարդի ու նրա ընկերների հասցված վնասը գնահատվում է մոտ 15 մլն ռուբլի։ Նրանց որոնում են։