ԱՄՆ նախագահ Դոնալդ Թրամփի ու Իսրայելի վարչապետ Բինյամին Նեթանյահուի հեռախոսազրույցի առանցքային թեման Իրանն է եղել, հայտնում է Newsru-Israel–ը։
ՆԵթանյահուն, օգտվելով հնարավորությունից, շնորհակալություն է հայտնել Թրամփին Վաշինգթոնում իրեն ցուցաբերված ջերմ ընդունելության համար։ Նա նաեւ շնորհակալություն է հայտնել Թրամփին ԱՄՆ Կոնգրեսի առջեւ առաջին ելույթում հակասեմիտականությունը վճռականորեն դատապարտելու համար։ «Երկու երկրների առաջնորդները մանրամասն քննարկել են Իրանի հետ միջուկային համաձայնագրի ու տարածաշրջանում իրանական ագրեսիայի վտանգավոր հետեւանքները, նաեւ համագործակցության անհրաժեշտությունը՝ այդ սպառնալիքներին դիմակայելու համար»,- հայտնել է վարչապետի մամուլի ծառայությունը։