ԱՄՆ նախագահ Դոնալդ Թրամփի փրես- փուլի լրագրողներին վրդովեցրել է, թե ինչպես են նրանց հետ վարվել Սպիտակ տանը միջոցառումներից մեկի ժամանակ, հայտնում է ՌԻԱ Նովոստին։

Նրանց նկարագրությամբ նախագահի հետ հանդիպումներից մեկի բաց մասում լրագրողները փորձել են նրան մի քանի հարց տալ, ինչը ընդունված պրակտիկա է։ Թրամփը սակայն ի պատասխան լռել է «հիմնականում նայելով ուրիշ ուղղությամբ»։

Այդ պահին լրագրողներին ընդառաջ է եկել ինչ-որ մեկը, «բարձրաձայն նրանց շնորհակալության հայտնել մի քանի անգամ ու նրանց ուղեկցել դեպի ելք»։ Հետո պարզվել է, որ դա Թրամփի թիկնապահների նախկին ղեկավար Քիթ Շիլլերն է եղել, որը հիմա նախագահի օգնականի տեղակալն է։

Վրդովված լրագրողները Սպիտակ տան մամուլի ծառայությանը խնդրել են պարզաբանել իրավիճակը։ «Մամուլին խնդրել են լքել դահլիճը։ Ու ես այլեւս ոչինչ չեմ մեկնաբանի»,- հայտնել է մամուլի ծառայության ներկայացուցիչը։