Սպիտակ տունը զգուշավոր է արձագանքել ԵՄ-ից Մեծ Բրիտանիայի դուրս գալու մասին պաշտոնական հայտարարությանը։ «Մենք հարգում ենք բրիտանացի ընտրողների իրավունքները,- ասել է Դոնալդ Թրամփի մամուլի քարտուղար Շոն Սփայսերը,- Մենք ուզում ենք, որ Մեծ Բրիտանիան մնա ուժեղ առաջնորդ Եվրոպայում, իսկ ԵՎրոպան մնա առաջնորդ աշխարհում»։ Նրա խոսքով Վաշինգտոնի ու Լոնդոնի հարաբերությունները կմնան անփոփոխ, հայտնում է DW–ը
Երբ լրագրողը խնդրել է մեկնաբանել ԵՀ նախագահ Ժան Կլոդ Յունկերի հայտարարությունն այն մասին, որ Դոնալդ Թրամփը ԱՄՆ առաջին առաջնորդն է, որին կարծես չեն հետաքրքրում եվրոպական գործերը՝ Սփայսերը պատասխանել է, որ նախագահը լավատեղյակ է միջազգային գործերին, մանավանդ Եվրոպային ու ՆԱՏՕ-ին վերաբերող հարցերին։