Վիեննայում Նավթ արտահանող երկրների կազմակերպության (OPEC) անդամ երկրների ներկայացուցիչների կայացած հանդիպման ընթացքում համաձայնություն է ձեռք բերվել մինչեւ 2018 թվականը նավթի արդյունահանման սահմանափակումների երակարձգման մասին, տեղեկացնում է Bloomberg-ը`հղում անելով գագաթաժողովի անանուն պատվիրակներին, հաղորդում է ՌԲԿ-ն:
Ըստ գործակալության աղբյուրների տվյալների՝ ներկայումս Վիեննայում հանդիպման մասնակիցները քննարկում են, թե ինչպես է 2018 թվականի կեսերին գնահատվելու պայմանագրի արդյուանվետությունը:
Bloomberg-ի հրապարակման մեջ շեշտվում է, որ Վիեննայում բանակցությունները հազվագյուտ համախմբվածության մթնոլոտում են տեղի ունենում, քանի որ բոլոր մասնակիցները համաձայն են, որ նավթային շուկայում իրավիճակը անհրաժեշտ ուղղությամբ է փոխվում, սական շուկան դեռ հավասարակշռված չէ:
