Իսրայելի ընդդիմադիր «Եշ Ատիդ» կուսակցության առաջնորդ Յաիր Լապիդը քննադատել է Թուրքիայի նախագահ Թայիփ Էրդողանին՝ հիշելով, որ նա չի ճանաչել Հայոց ցեղասպանությունը:
«Նրանք, ովքեր ժխտում են Հայոց ցեղասպանության ժամանակ երեխաների սպանությունը, չպետք է բարոյականություն քարոզեն»,- իր միկրոբլոգում նշել է Լապիդը, փոխանցում է Times of Israel-ը:
Ավելի վաղ Լապիդը Իսրայելին կոչ էր արել Հայոց ցեղասպանությունը ճանաչել:
Իսրայելի վարչապետ Բենիամին Նեթանյահուն Թուրքիայի նախագահին նաեւ դաժան բռնապետ է անվանել, որն աջակցում է «անմեղ մարդկանց սպանությանն ուղղված պաղեստինյան ահաբեկչական խմբավորումների ջանքերին»: «Նա այն մարդը չէ, որ մեզ պետք է դասեր տա»,- ասել է Նեթանյահուն Փարիզում տեղի ունեցած Ֆրանսիայի նախագահ Էմաուել Մակրոնի հետ համատեղ մամուլի ասուլիսում:
Հիշեցնենք, որ Էրդողանը քննադատական դիտողություններ էր արել ԱՄՆ նախագահ Դոնալդ Թրամփի Երուսաղեմը Իսրայելի մայրաքաղաք ճանչելու որոշման վերաբերյալ: