Facebook-ը մտադիր է նոր ալգորիթմ գործարկել, որը կսահմանի օգտատերերի սոցիալական վիճակը: Այս մասին նշվում է արտոնագրում, որը հայտնաբերել է Ubergizmo-ն:
Արտոնագիրը գրանցվել է դեռեւս 2016 թվականի հուլիսի 27-ին, սակայն հայտնի է դարձել միայն այժմ: Ըստ նկարագրության՝ սոցիալական ցանցը կգործարկի ալգորիթմ, որը կհավաքի եւ կվերլուծի օգտատիրոջ բազմաթիվ տվյալները`տարիքից եւ սեռից մինչեւ լուսանկարներ եւ սելֆի:
Ստացված տեղեկատվության օգնությամբ սոցիալական ցանցը կկարողանա որոշել, թե որքան է վաստակում այս կամ այն օգտատերը, գրում է Life-ը:
Սոցիալական ցանցը մարդկանց կդասակարգի սոցիալական կարգավիճակով եւ նրանց համար որոշակի կատեգորիա կսամանի`«աշխատողներ», «ուսանողներ», «միջին դաս» եւ այլն: Դասից կախված կլինի այն գովազդը, որը Facebook-ն օգտատերերին կցուցադրի:
