Հոլանդիայի «Թուրքական ֆեդերացիայի» գլխավոր քարտուղար Էրիմ Ուղուրլուն հերթական սկանդալային հայտարարությունն է արել Twitter–ի իր էջի միջոցով։
Թուրքական Gazeteekmek կայքի փոխանցմամբ՝ Էրիմ Ուղուրլուն գրել է. «Քուրդ կնոջը բռնաբարելն անհրաժեշտություն է։ Ոչ ոք չպետք է քաշվի դա անելուց»։
Թուրք ազգայնական գործչի այս հայտարարությունը սոցկայքերում բողոքի մեծ ալիք է բարձրացրել։
Նշվում է, որ նա նախկինում բազմիցս հանդես է եկել քրդերի հանդեպ վիրավորական հայտարարություններով։