Ամսագրի վարկածով՝ վարկանիշի առաջին տեղում է 2000 թվականին նկարահանած ռեժիսոր Քրիսթոֆեր Գեսթի «Շոուի հաղթողները» ժապավենը, հայտնում է ՌԲԿ-ն:
Ֆիլմում նկահանվել է ինքը՝ ռեժիսորը, Յուջին Լեւին, Քեթրին Օ՛Հարան եւ այլք: Ֆիլմը պատմում է շների հեղինակավոր ցուցահանդեսին պատրաստվելու եւ մասնակցող ձեռնասունների տերերի հարաբերությունների մասին:
Rolling Stone-ը 2-րդ տեղը հատկացրել է Արմանդո Իանուչիի 2009 թվականի «Հանգույցում» ֆիլմին, որը պատմում է ԱՄՆ եւ Մեծ Բրիտանիայի իշխանությունների բարձրագույն էշելոններում պատերազմի կողմնակիցների եւ հակառակորդների պայքարի մասին: 3-րդ տեղում է Փոլ Ֆիգի 2011 թվականի «Կույսը Վեգասում» ֆիլմը՝ հարսնացու ընկերուհիների արկածների մասին: Վարկանիշում 4-րդ հորիզոնականը զբաղեցնում է ռեժիսոր Ադամ ՄակՔեյի 2008 թվականի «Խորթ եղբայրները» ֆիլմը՝ երկու 40-ամյա տղամարդկանց հարաբերությունների մասին, որոնք իրենց ծնողների ամուսնության հետեւանքով խորթ եղբայրներ են դարձել:
Կատակերգությունների թոփ հնգյակը եզրափակում է ռեժիսոր Մայք Ջաջի «Իդիոկրատիա» ֆիլմը, որը էկրան է բարձրացել 2005 թվականին: Ֆիլմը պատմում է կապրալի մասին, ում Պենտագոնն ընտրել էր երկար ժամանակով քնեցնելու համար: Նա արթնանում է 500 տարի հետո եւ հայտնվում աշխարհում, որտեղ մարդկանց ինտելեկտը ավելի ցածր է, քան իրենը, եւ կապրալը դառնում է աշխարհում ամենախելացի մարդը:
Լավագույն տասնյակում են հայտնվել «Շարքից հանող սեր», «Տոնի Էրդման», «Շոն անունով զոմբին», «40-ամյա կույսը» եւ «Կյանքը կադրից դուրս» ֆիլմերը: