Ինտելեկտի գործակիցը, ինչպես պարզել են Բրիտանիայից գիտնականները, կարող է կապված լինել հանգստության եւ կարգապահության մակարդակների հետ. հանգիստ եւ անկարգապահ մարդկանց IQ-ի մակարդակը, որպես կանոն, բարձր է.
Լոնդոնի Համալսարանական քոլեջի աշխատակիցները վստահ են, որ իրենց բացահայտումը բավականին պարզ բացատրություն ունի. այն մարդիկ, որոնք հակված չեն մանրուքների համար անհանգստանալ, ավելի վստահ են իրենց ուժերում եւ համապատասպանաբար, նրանքավելի արդյունավետ են անցնում ինտելեկտի թեստերը, ինչպես նաեւ ավելի լավ են լուծում մյուս խնդիրները:
Բացի այդ բնությունից բարձր ինտելեկտ ունեցող մարդիկ շատ ջանք չեն գործադրում բարձր գործնական արդյունքների հասնելու համար:
«Մենք ուսումնասիրություն ենք անցկացրել 200 մարդկանց շրջանում եւ հաստատել մեր ենթադրությունները՝ բարձր ինտելեկտ ունեցողները հաճախ մարդիկ են, որոնց շատ կարգապահ կամ լարված չես անվանի: Անփութություն, անկազմակերպվածություն եւ անգամ որոշակի իմպուլսիվություն՝ ահա գծեր, որոնք բնորոշ են բարձր IQ ունեցողների համար», — նշել են հետազոտության հեղինակները:
