Կանադայում թռիչքի ժամանակ քնած կնոջը «մոռացել են» ինքնաթիռում, հաղորդում է BBC-ը:
Թիֆանի Ադամսը պնդում է, որ քնել է Քվեբեկից Տորոնտո թռիչքի ժամանակ եւ երբ արթնացել է, կապված է եղել անվտանգության գոտիով, իսկ ինքնաթիռը դատարակ է եղել:
Նրա խոսքով՝ դա սարսափելի փորձ էր: Այդ պահից ի վեր նա մղձավանջներ է տեսնում:
Air Canada ավիաընկերությունը հաստատել է դեպքը, հետաքննություն է սկսվել:
Ադամսին հաջողվել է զանգել ընկերուհուն եւ այդ մասին հայտնել նրան: Ընկերուհին զանգել է ավիաընկերություն եւ հայտնել Ադամսի գտնվելու վայրի մասին: Նրան գտել է օպերատորը, որը շոկի մեջ է եղել:
Ավիաընկերությունը նրան լիմուզին եւ հյուրանոց է առաջարկել, սակայն Ադամսը ցանկացել է շուտ վերադառնալ տուն: Նա հավելել է, որ ավիաընկերությունը զանգել է իրեն եւ ներողություն խնդրել:
