Դերասան Ժան Պոլ Բելմոնդոն, դերասանուհի Կլաուդիա Կարդինալեն, տիեզերագնաց Թոմ Փեսքն ու կոմպոզիտոր Ժան Միշել Ժարն արժանացել են Ֆրանսիայի գլխավոր պարգեւի՝ Պատվո լեգեոնի շքանշանին, հաղորդում է ՏԱՍՍ-ը:
Պարգեւատրվածների ցուցակները հրապարակվել են կիրակի Journal Officiel պաշտոնական բանբերում: Ընդամենը տարբեր աստիճանի շքանշաններով պարգեւատրվել է 423 մարդ:
Համաձայն մշակույթի նախարարության ներկայացրած ցուցակի՝ Ժան Պոլ Բելմոնդոն եւ դերասանուհի Կլաուդիա Կարդինալեն արժանացել են գերագույն սպայի բարձր կոչմանը: Համաշխարհային ճանաչում ունեցող էլեկտրոնային երաժշտության հեղինակ Ժան Միշել Ժարը դարձել է շքանշանի կոմանդոր, իսկ բալետի պարուհի եւ պարուսույց Մարի Կլոդ Պետրագալան՝ սպա:
Պատվո լեգեոնի շքանշանն ընդունվել է Նապոլեոն Բոնապարտի կողմից 1802 թվականին: Ֆրանսիայի բարձրագույն պարգեւանշանն ունի հինգ աստիճան. երկու բարձրագույն (Մեծ խաչի ասպետ եւ նախկին սպա), որոնց հաջորդում են կոմանդորի, սպայի եւ ասպետի աստիճանները: Պարգեւատրվածների ցուցակները հրապարակվում են տարվա մեջ երեք անգամ՝ հունվարի 1-ին, Զատկի տոնին եւ հուլիսի 14-ին՝ Ազգային տոնի՝ Բաստիլիայի գրավման օրը: