Հունաստանին պետք է աջակցել սահմանների անվտանգության ապահովման հարցում, ասել է Ավստրիայի կանցլեր Սեբաստիան Կուրցը` նախազգուշացնելով Թուրքիայի նախագահ Ռեջեփ Թայիփ Էրդողանի կողմից ճնշումների եւ շանտաժի մասին:
«Եթե մենք զիջենք Էրդողանին եւ Թուրքիային, ապա` ցտեսություն Եվրոպա»,- ասել է Կուրցը ավստրիական հեռուստատեսությանը տված հարցազրույցում:
Խոսելով այս տարվա սկզբին Հունաստանի եւ Թուրքիայի սահմանին առկա իրավիճակի մասին` Կուրցն ասել է, որ Եվրոպան չպետք է թույլ տա, որպեսզի Էրդողանը շանտաժի ենթարկի իրեն, ում ինքը մեղադրել է «փախստականներին որպես զենք օգտագործելու» մեջ:
